अकला कालिका मन्दिर डेढगाउँमा पुजा नहुने

बाेली खबर   १३ बैशाख २०७८, सोमबार १३:४२

नवलपरासी १३ बैशाख २०७८ सुस्तार्पुव बौदिकालि गाउँपालिकामा रहेको अकला कालिका मन्दिर डेढगाउँमा पुजा नहुने भएको छ । बढ्दो कोरोना भाईरसलाई मध्य नजर गर्दै डेढगाउँ मन्दिरमा हुदै आएको पुणीमाको पुजा नहुने जानकारी वडाध्यक्ष बाल प्रसाद ठाडाले दिनु भएको छ ।

पाल्पा स्याङ्गजा नबलपरासी तनहूँ लगाएत विभिन्न ठाउँबाट तिर्थालु भक्तजनहरू  आउने गर्दछन् । हिजो गाउँ कार्यपालिकाको बैठक बसी सधै हुने चैते पूर्णीमाको मेला यस वर्ष नहुने निर्णय गरेको जानकारी वडाध्यक्ष ठाडाले दिनु भएको छ । कार्यपालिकाको बैठकले स्कुल तथा शिक्षालय सिसिएमसिको बैठक अनुसार गर्ने निर्णय गरेको छ । बैदिकाली गाउँपालिकामा हुने उक्त मेलामा गएका बर्षमा करिव १० हजारको संख्यामा भक्तजन उपस्थित हुने गरेको थियो भने करिव ३ सय वलि चढाईन्थ्यो ।

मनले चिताएको मागेको पुरा हुने जन विश्वास सहित उपस्थित हुने भक्त जनले पन्चबलि चढाउने गर्दथे । यस मन्दिरमा रागो, कुखुरा, बोका, हासँकाे वलिको रुपमा चढाउने गरिन्छ भने परेवा उडाउने पनि गरिन्छ।