अक्सिजन सहितको आइसोलेशन बेड तयार गरेका छौं (भिडियाे)

बाेली खबर २७ जेष्ठ २०७८, बिहीबार १३:२४

निस्दी, निस्दी गाउँपालिका कोभिड १९ को महामारीबाट बाँच्नका लागि निस्दी गाउँपालिकाका स्वास्थ्य प्रमुख रेमबहादुर दिशाले हामीले १३ बेडको अक्सिजन सहितको बेड ब्यवस्थापन गरेको बताउनु भएको छ ।

वडामा कोभिड १९ संग मिल्दोजुल्दो लक्ष्यण देखिएमा प्रत्येक वडामा गएर एन्टीजेन तथा पिसिआर माध्यमबाट जाँच गरेका छौं । अधिकांश निको भएर घर फर्केका छन् । निस्दीगाउँ पालिकामा यति धेरै भयावह होला भनेर पनि सोचेका थिएनौं स्वास्थ्य प्रमुखले बताउनु भयो । हाल सम्म निस्दी गाउँपालिकाले खरिद गरेर २५५ जनाको एन्टिजेन परिक्षण गर्दा ८९ जनाको पोजेटिभ र ११४ जनाको पिसिआर परिक्षण गरेकोमा ७१ जना पोजेटिभ देखिएको बताउनु भयो ।

२७ जना निको भएर घर फर्किसकेको र ७३ जना अहिले पनि होम आइशोलेशन रहेको बताउनु भयो । बोली खबरले निस्दी गाउँपालिकामा कोभिड १९ को स्वास्थ्य प्रमुखसंग गरेको संक्षिप्त कुराकानी ।