अनेरास्ववियू सहिद बहुमुखी क्याम्पसद्धारा अध्यादेशको बिराेध

रामपुर, नेकपा (एमाले) निकट सहिद बहुमुखी क्याम्पस अनेरास्ववियूले रामपुर कमिटीले राजनीतिक दलसम्बन्धी अध्यादेशको विरोधमा प्रदर्शन गरेको छ।  सहिद बहुमुखी क्याम्पस अगाडि उनीहरुले प्रदर्शन गरेका हुन् ।

सहिद बहुमुखी क्याम्पस कमिटीका अध्यक्ष मधुसुधन आचार्यले परमादेशबाट गठन भएको जनघाती सरकारले दिन प्रतिदिन जनताका विरुद्धमा लोकतन्त्रको विरुद्धमा संविधानको मर्म बिपरित काम गरिरहेको छ हामी सबैलाई थाहा छ हिजाे मात्र यो सरकारले नेपालको दलिय ब्यवस्थालाई गणतन्त्रलाई नेपालको संविधानको हुर्मत हुने गरि राजनीतिक दल सम्बन्धि अध्यादेश जारी गरेको छ। यसले दलिए ब्यबस्थालाई कमजोर बनाउदै अराजक्ता र राजनैतिक अस्तिरतालाई निमत्याएको साथै प्रदर्शनकारीहरुले उक्त अध्यादेश खारेज गर्न माग समेत गरेका छन् ।

प्रदर्शनका क्रममा विद्यार्थीहरुले टायर बालेर विरोध जनाएका थिए। सरकारले प्रमाणीकरणका लागि पठाएको उक्त अध्यादेश राष्ट्रपति विद्यादेवी भण्डारीले बुधबार जारी गर्नु भएकाे थियाे । यसअघि पार्टी विभाजनमा लागि केन्द्रीय कमिटी र संसदीय दलमा ४० प्रतिशत पुग्नुपर्ने व्यवस्था थियो । तर, अहिले अध्यादेशमा केन्द्रीय कमिटी वा संसदीय दलमा २० प्रतिशत भए पुग्ने व्यवस्था गरिएको छ । उक्त अध्यादेश एमालेको माधवकुमार नेपालपक्ष र जसपाको महन्थ ठाकुरपक्षलाई दल विभाजनका लागि सहज बनाउन सरकारले ल्याएको हो। एमालेको नेपाल समूह र जसपाको ठाकुरपक्षले निर्वाचन आयोगमा नयाँ दल दर्ताका लागि निवेदन दिइसकेका छन्।