सिर्जनशील चित्रकला प्रदर्शनी बुटवलमा

सिर्जनशील चित्रकला प्रदर्शनी सुरु बुटवल उपमहानगरपालिकाद्वारा गठित भाषा,साहित्य,कला,संस्कृति प्रतिष्ठान अन्तर्गत रहेकाे कला तथा अनुसन्धान विभागकाे संयाेजन,नेपाल ब्यवसायी कलाकार संघ,रुपन्देहीको सहयात्रामा बुटवलकाे न्यू ईरा हाेटलमा सिर्जनशील चित्रकला प्रदर्शनी आईतवारदेखि सुरु भएकाे छ ।

प्रदर्शनीकाे उद्घाटन गर्दै प्रमुख अतिथि प्रतिष्ठानका मुख्य संरक्षक एवम् बुटवल उपमहानगरपालिकाका नगरप्रमुख शिवराज सुवेदीले बुटवललाई साहित्य ,कला र संस्कृतिकाे संगमस्थल बनाउने सपना उनेकाे बताए । साथै उनले बुटवललाई देशकै नमूना सहर बनाउनका निम्ति कलाकारहरुकाे विशेष महत्व रहने बताए । कार्यक्रमका विशिष्ट अतिथि,प्रतिष्ठानका संरक्षक एवम् बुटवल उपमहानगरपालिकाका उपप्रमुख गाेमादेवी आचार्यले कलाकारहरुकाे मर्मलाई उजागर गर्न र कलाकाे बजारीकरण गर्न सकेमा पक्कै पनि कलाकारहरु बाँच्ने आधार तयार हुन सक्ने बताउँदै आफ्नाे पालिकाले कलाकारहरुलाइ स्थानीय सरकारकाे अंगका रुपमा विकास गर्न प्रतिष्ठान बनाएकाे बताईन् । प्रदर्शनीमा ललितकलामा स्नातकोत्तर गरेकी कलाकार सुमित्रा राना,सुत्पराईले चित्रकला सम्बन्धि प्रिजन्टेसन गरेकी थिईन् ।

प्रदर्शनीका संयाेजक झबिन्द्र थापाकाे स्वागत गरेका थिए भने कलाकारहरु कलामा बाँच्न सक्ने वातावरण तयार गरिदिन नेपाल ब्यवसायी संघ,रुपन्देहीका अध्यक्ष बेनप्रसाद थापाले अनुराेध गरेका थिए । प्रदर्शनीमा बुटवलका हाेराईजन र दीप बाेर्डिङ् अनि तिलाेत्तमाकाे न्यू लाईट आवासीय विद्यालयका शिक्षक विद्यार्थीकाे सार्थक सहभागिता रहेकाे थियाे । उक्त प्रदर्शनीमा चार सय बढी कलापारखीहरुले अध्ययन,अवलाेकन गर्न आईपुगेकाे कलाकार यमबहादुर थापाले बताए । उद्घाटन कार्यक्रमकाे सञ्चालन प्रतिष्ठानका सचिव दलबहादुर गुरुङले र अध्यक्षता प्रतिष्ठानका अध्यक्ष झपेन्द्र जीसीले गरेकाथिए । प्रदर्शनी साेमवारसम्म सञ्चालन हुनेछ । प्रतिष्ठानले प्रदर्शनी अवलाेकनका लागि सबै कलाप्रेमीहरुलाई विशेष अनुराेध गरेकाे छ ।