माथागढीको रहवास माटो खन्ने क्रममा ७८ वर्षीया महिलाको निधन

पाल्पा । जिल्लाको माथागढी गाउँपालिका वडा नं.-७, रहवासको धनुवाटोलमा ढुंगा-माटोले पुरेर ७८ वर्षीया वृद्धा महिलाको मृत्यु भएको छ।

घर लिप्नको लागि घरदेखि करिब एक किलोमिटर टाढा रहेको बनमा गएर रातो माटो खन्ने क्रममा एक्कसी ढुंगा-माटो खसेर माथागढी-७, रहवास- धनुवाटोल कि ७८ वर्षीया रिमा सरा लाम्काहा भन्ने डिल्ली सरा लाम्काहाको  करिव १२:१५ बजेको समयमा घटनास्थलमै मृत्यु भएको जिल्ला प्रहरी पाल्पाका निरीक्षक गौतम बोहराले जानकारी दिनुभयो।

अनुसन्धानकाे क्रममा लाम्काहा करिब १०:०० बजे बिहानको खाना खाएर घर लिप्नको लागि रातो माटो लिन गएको जानकारी १३ वर्षीय नाती तिल बहादुर लाम्काहाले दिए। हजुरआमाको साथमा आफू पनि गएको नाति तिल बहादुरले बताएका थिए। नातीले भित्रबाट माटो खनेको र मृतक हजुरआमाले अलि बाहिर बसेर बोरामा माटो भर्ने क्रममा एक्कसी ढुंगा माटो खसी दुवैलाई पुरेकोमा नाति चाहिँ जबर्जस्त आफै प्रयास गरि बाहिर निस्केको पनि बताएका थिए।

तर मृतक हजुरआमालाई ढुंगा-माटोले पुरेको देखेर हारगुहार गर्दा पनि समयमै उद्दार गर्न नसकेकाे बताएका छन् ।