मध्यरातमा भूकम्प, जाजरकाेटमा ९२ जनाकाे मृत्यु ५५ बढी घाइते

पाल्पा । गएराती जाजरकोट केन्द्रबिन्दु भएर गएको भूकम्पमा परी कम्तीमा १२८ सय जनाको ज्यान गएको छ । जाजरकोट र रुकुम पश्चिममा सबैभन्दा धेरै क्षति भएको छ ।
जाजरकोटमा मात्रै ९२ जनाको मृत्यु भएको प्रहरीले जनाएको छ । जिल्लामा ५५ बढी घाइते छन् ।

प्रहरीका अनुसार रुकुम पश्चिममा भूकम्पमा परी ३६ जनाको ज्यान गएको प्रहरीले जनाएको छ । जिल्लामा ८५ जना घाइते भएका छन् ।

मृतकको संख्या अझै बढ्न सक्ने प्रहरीको भनाइ छ । दुई जिल्लामा ठूलो भौतिक क्षति पनि भएको छ । कयौं घरहरू भत्किएका छन् ।
उनीहरूको उद्दार र उपचारको काम भइरहेको प्रहरीको भनाइ छ ।

शुक्रबार राति ११ बजेर ४७ मिनेटमा जाजरकोटको रामी डाँडा केन्द्रविन्दु बनाएर ६ दशमलव ४ म्याग्निच्यूडको भूकम्प गएको थियो । भूकम्पको धक्का पश्चिम नेपालका जिल्ला र काठमाडौंसम्म महसुस गरिएको थियो ।