माथागढीकाे रहवासमा टिप्पर दुर्घटना हुँदा चालक र सहचालकको मृत्यु

पाल्पा । माथागढी गाउँपालिका वडा नं. ५ रहबासमा टिपर दुर्घटना हुदा चालक र सहचालकको मृत्यु भएको छ । सोमवार माथागढी गाउँपालिका ५ आर्थोकघाटस्थित रहवास खैरेनी भित्री कच्ची सडकखण्डमा टिपर दुर्घटना हुदा चालक र सहचालकको घटनास्थलमा नै मृत्यु भएको हो ।

रुपन्देही खैरेनीबाट माथागढि ५ स्थित धामिका ढुंगाखानितर्फ आउदै गरेको टिपर दुर्घटना हुदा रुपन्देही तिलोत्तमा नगरपालिका १६ बस्ने चालक २४ वर्षिय प्रदीप कुमाल र सोहि ठाउकै सहचालक १८ वर्षिय मनिष परियारको घटनास्थलमै मृत्यु भएको जिल्ला प्रहरी कार्यालय पाल्पाका प्रहरी उपरीक्षक तथा सुचना अधिकारी सुगन्ध श्रेष्ठले जानकारी दिनुभयो ।

लु २ ख ५६१ नम्बरको टिपर आज विहान करिव ९ वजेको समयमा दुर्घटना भएको हो । दुर्घटनाबारे थप अनुसन्धान भईरहेको प्रहरीले जनाएको छ