रामपुर नगरपालिकाकाे भलायटारमा ट्याक्टर दुर्घटना हुँदा चालक घाईते

पाल्पा । कालीगण्डकी करिडोर सडक खण्ड अन्तर्गत रामपुर नगरपालिका–२, मा ट्याक्टर दुर्घटना हुँदा चालक घाईते भएका छन् । ना ७ त ११२ नम्बरको ट्याक्टर बाँदरकनामा दुर्घटना हुँदा बर्दिया घर भएका चालक ३७ वर्षिय मुन्सी थारु घाईते भएको हो ।

बुधबार अपरान्ह निस्दी खोला पुल निर्माणको लागि खोला बाट पानी लिएर जाने क्रममा ट्याक्टर सडकमा पल्टिएको थियो । ट्याक्टरले च्यापिएर चालक घाईते भएको ईलाका प्रहरी कार्यालय रामपुरका प्रहरी निरीक्षक शालिकराम खनालले जानकारी दिनुभयो । घाईतेको रामपुर अस्पतालमा उपचार भैरहेको बताउनुभयो । घटनाको सम्बन्धमा थप अनुसन्धान भइरहेको प्रहरीले जनाएको छ ।