अगाहाखोलामा ट्रक दुर्घटना, एककाे मृत्यु

पाल्पा ।  रम्भा गाउँपालिका–३, अगाहाखोलामा ट्रक दुर्घटना हुदा एक जनाकाे मृत्यु भएकाे छ । ट्रक अनियन्त्रित भई अर्को ट्रकलाई ठक्कर दिँदा चालकको मृत्यु भएको हाे । मृत्यु हुनेमा रम्भा गाउँपालिका ३ पाल्पाका २३ वर्षीय भुवन सिंह राना रहेको प्रहरीले जनाएको छ ।

त्यस्तै सोही दुर्घटनामा सहचालक वालिङ नगरपालिका–१० का सन्जित खवास थापा घाईते हुनु भएको छ । गयराती १०ः५० को समयमा बुटवलबाट पोखरा तर्फ जाँदै गरेको लु १ ख ९३५१ नम्बरको ट्रकले ब्रेक फेल भई सोही दिशा तर्फ जाँदै गरेको ना १ क ७१२१ नम्बरको ट्रकलाई पछाडीबाट ठक्कर दिँदा लु १ ख ९३५१ नम्बरको ट्रक चालक राना घाईते हुनु भएको थियो । प्रहरीले चालकलाई उद्धार गरी उपचारको लागि लुम्बिनी मेडिकल कलेज प्रभासमा पठाएको थियो । उहाँको उपचारको क्रममा मृत्यु भएको जिल्ला प्रहरी कार्यालय पाल्पाका प्रहरी नायव उपरीक्षक सुनिल मल्लले बताउनुभयो ।

घाईते हुनु भएको ना १ क ७१२१ नम्बरको ट्रकको थापाको अवस्था सामान्य रहेको प्रहरी उपरीक्षक मल्लले जानकारी दिनुभयो । उहाँका अनुसार ना १ क ७१२१ नम्बरको ट्रक चालक वालिङ नगरपालिका ९ बस्ने बर्ष ५६ को गुप्त बहादुर गुरुङ सकुशल रहेकोे छ । दुर्घटनाको विषयमा थप अनुसन्धान भैरहेको प्रहरीले बताएको छ ।