निस्दीकाे बेलाैजीमा ‘प्रथम निस्दी कप’ हुने

पाल्पा । निस्दी गाउँपालिका–५, गल्धा बेलौजीमा खुल्ला पालिका स्तरिय पुरुष भलिबल प्रतियोगिता हुने भएको छ । प्रथम निस्दी कप २०७९ अन्तर्गत यहि कार्तिक २ गते देखि ५ गते सम्म प्रतियोगिता हुन लागेको हो ।

‘भाषा, धर्म, कला र संस्कृति प्रति सदैव सम्मान, शिक्षा स्वास्थ्य र पर्यटन हाम्रो अभिायन’ भन्ने नाराका साथ जनचेतना युवा क्लब तथा बाल कल्याण बाल क्लबको २० बार्षिक उत्सवको अवसरमा संयुक्त आयोजना प्रतियोगिता हुन लागेको हो ।

निस्दी ५ बेलौजी खेलमैदानमा हुने प्रतियोगितामा प्रथम, द्वितिय, तृतिय र सान्त्वना हुने समुहले क्रमश नगद ७५ हजार रुपयाँ, ५० हजार रुपैयाँ, २५ हजार रुपैयाँ र १० हजार रुपैयाँ सहित ट्रफी, मेडल र प्रमाण पत्र प्राप्त गर्नेछ । साथै प्रतियोगितामा प्रत्येक दिन उत्कृष्ट खेलाडी घोषणा गरी पुरस्कृत गरिनेछ । साथै डोरी तान्ने प्रतियोगिता पनि हुने आयोजकले बताएका छन् । उक्त प्रतियोगितामा भने दर्ता शुल्क लाग्ने छैन ।

प्रतियोगितामा ३।३ जनाको समूहमा निशुल्क सहभागि हुन पाउनेछ । खेलाडीहरुलाई निशुल्क खाना तथा बासको ब्यवस्था समेत गरेको आयोजकले जनाएको छ । कप हेर्नको लागि भने दर्शकले रु ५० रुपैयाको टिकट लिएर प्रवेश गर्नुपर्ने आयोजकले जनाएको छ ।