नेपाली कांग्रेस निस्दीको सभापतिमा पुर्ण बहादुर खाँण

पाल्पा, नेपाली कांग्रेस निस्दी गाउँपालिकाको सभापतिमा पुर्ण बहादुर खाँण चयन हुनुभएको छ । १४ औं अधिवेशन अन्तर्गत भएको प्रथम गाउँ अधिवेशनले खाँणको नेतृत्वमा नयाँ कार्यसमिति सर्वसहमतिमा निर्विरोध चयन गरेको हो ।

गाउँ कार्यसमितिको उपसभापतिमा शिव प्रसाद उपाध्याय, प्रेम बहादुर सिंजाली, सचिवमा विजय अर्याल, नरेन्द्र बहादुर आले, सहसचिवमा इजर सिं सोती र अर्जुन सोमै चयन हुनु भएको छ । सदस्यहरुमा वडा नं। १ बाट कृष्ण थापा, हिरा बहादुर राना र मायाँ श्रेष्ठ, वडा नं। २ बाट पुनविर राना, रेख बहादुर राना, यम कुमारी अस्लामी, वडा नं। ३ बाट यम बहादुर राना मास्की, धन मायाँ खरु, वडा नं। ४ बाट वीर बहादुर नेपाली, शेर बहादुर सुनारी, रमौती सुनारी, वडा नं। ५ बाट हिम बहादुर पचभैया, गिन बहादुर जर्घा, सीता अर्याल, वडा नं। ६ बाट टेक बहादुर राना, दाम बहादुुुर खन्गाहा, मन कुमारी खाम्चा, वडा नं। ७ बाट किम बहादुर आले, कर्ण बहादुर आले र धनमायाँ सोमै चयन हुनु भएको छ ।

त्यस्तै गोविन्द अर्याल, लिला नेपाली समेत सदस्यमा चयन हुनु भएको मतदान अधिकृत विष्णु रेग्मीले जानकारी दिनुभयो । विधान अनुसार वडा सभापतिहरु पदेन सदस्य रहने व्यवस्था रहेको छ । निर्वाचित भए संगै सपथ ग्रहण गर्दै नव निर्वाचित सभापति खाँणले नयाँ पुस्तालाई प्रोत्साहन र पाका पुस्तालाई सम्मान गर्दै संगठनलाई सक्रिय बनाएर अघि बढ्ने बताउनुभयो । अधिवेशन पूर्व उट्घाटन सत्रमा बोल्दै नेपाली कांग्रेस पाल्पाका सदस्य पूर्णकुमार सोतीले समाज र संगठनलाई चलाएमान बनाउन स्थानीय तह बाटै कुशल नेतृत्व चयन गर्नु आवश्यक रहेको बताउनुभयो । नेपाली कांग्रेस पाल्पाका जिल्ला सदस्य टेक बहादुर रानाले कांग्रेसले समाजमा भएका गतिविधीलाई जनतामाझ पुर्याउन नसकेकाले केही पछि परेको बताउनुभयो ।

कार्यक्रममा नेपाल शिक्षक संघका प्रदेश प्रतिनिधि गंगा पंगेनी, नेपाल शिक्षक संघ निस्दीका सभापति पदम खाम्चा, नेपाल विद्यार्थी संघ क्षेत्र नं। १ का सभापति विजय अर्याल, निस्दी गाउँपालिका ५ का सभापति श्याम बहादुुर खण्डलुक र साविक मित्याल गाविसका पूर्व सभापति तास बहादुर कालुङ्गले आफ्नो भनाई राख्नु भएको थियो । कार्यक्रममा नेपाली कांग्रेस निस्दीका सभापति शालिकराम पाण्डेले सांगठनिक प्रतिवेदन प्रस्तुत गर्नु भएको थियो । जनता माध्यमिक विद्यालय ढुङ्गाना बेसीको सभाहलमा भएको अधिवेशनको उट्घाटन सत्र सभापति पाण्डेको अध्यक्षता, उपसभापति शिव प्रसाद अर्यालको स्वागत र सचिव पूर्ण बहादुर खाँणको सञ्चालनमा भएको हो । कार्यक्रममा लामो समय सम्म सक्रिय भएर लाग्दै आएका व्यक्तिहरुलाई सम्मान गरेको थियो ।