पूर्वखोला गाउँपालिकाको ११ औं गाउँ सभा सम्पन्न, कुल ४८ कराेड १७ लाखकाे बजेट पारित

पाल्पा । पूर्वखोला गाउँपालिकाकाे एघाराैं गाउँसभा सम्पन्न भएकाे छ ।शुक्रबार सम्पन्न गाउँसभाले ४८ करोड १७ लाख ७४ हजार बराबरको बजेटमा रहेर नीति तथा कार्यक्रम पारित गरेको छ ।

सभामा पूर्वखोला गाउँपालिका अध्यक्ष नुन बहादुर थापाले कृषि व्यवसायीकरणको लागि कृषि उपज संकलन केन्द्र तथा साप्ताहिक हाट बजार स्थापना र उपजललाई जोड दिने, जमले घाटमा ढुङ्गा कटिङ उद्योग संचालको लागि संभाव्यता अध्यन गरिने निति रहेको बताएका छन्। अध्यक्ष थापाले पालिकामा रहेको एक मात्र गढिलाई प्राथमिकता दिइएर पर्यटक विकासमा जोड दिने बताए । विद्यालय समायोजनलाई निरन्तरता दिदै कर्मचारी, इसिडि र निजिस्रोतको शिक्षकहरुलाई प्रोत्सान गरिने, मगर भाषा तथा लिपी संरक्षरण र सम्बद्र्धनका लागि पहल गरिने बताएका छन्। थापाले कृषि ,शिक्षा, सडक, स्वास्थ्य ,पर्यटन, सहितको विकासको लागि पूर्वखोला गाउँपालिकाले नीति तथा कार्यक्रममा समावेश गरेको बताए ।

पूर्वखोला गाउँपालिका उपाध्यक्ष भागिरथी भट्टराईले महिला स्वास्थ्य स्वयमसेवीकाहरुको घर परिवार स्वास्थ्य विमा निशुल्क गरिने, सुत्केरी तथा नवजात शिशुको पोषणमा सुधार ल्याउन सुत्केरी पोषण कार्यक्रमलाई निरन्तरता दिई सुत्केरी संग उपाध्यक्ष कार्यक्रमलाई व्यवस्थित गरिने नीति तथा कार्यक्रममा समावेश गरेको बताएका छन्। भट्टराईले महिलाहरुको आय आर्जनको लगि विभिन्न सिपहरुलाई प्राथमिकता दिएर अघि बढ्ने बताए ।

गाउँसभाले पालिका भित्र उत्पादन हुने कृषि तथा पशु जन्य बस्तुको प्रबर्दन गर्ने, कृषकलाई प्रोत्सान तथा सम्मान गर्ने , विभिन्न किसिमका फलफुल पकेट तथा ब्लक विस्तार गर्ने कृषि तथा पशु विकास निति रहेको छ । कृषि तथा पशु विकास नितिमानै साप्ताहिक कृषि हाट बजार तथा उपज संकलन केन्द्र स्थापना गरीने, ”आफ्नो गाउँ आफै बनाऔं, मिलिजुली बसौं सबै संगै रमाउ“ भन्ने नारालाई अवलम्वन गर्दै सामुहिक र व्यवसायिक कृषि तथा पशुपालनलाई जोड दिईने नीति तथा कार्यक्रममा उल्लेख गरेका छन् । वालिको उत्पादन र उत्पादकत्व बढाउन पहल गरिने लगाएतको नीति तथा कार्यक्रम रहेको छ ।

नमुना विद्यालयमा जोड दिईने, अभिभावक विहिन बालबालिकाको पालिकाले अभिभमकत्व लिने , सुचना तथा प्रविधि शिक्षालाई प्राथमिकता साथ अगाडि बढाउने रहेको छ । शिक्षा तथा खेलकुद विकास अन्तरगतनै मगर भाषा तथा संरक्षण र सम्र्बधनका लागि कार्यक्रम संचालन गरिने । निजि शिक्षकको लागि विशेष अनुदानको व्यवस्था गर्ने , शिक्षक तथा विद्यार्थी छात्रावासको व्यवस्था गर्ने लगाएत निति तथा कार्यक्रममा समेटिएको छ ।

पूर्वखोला गाउँपालिकाले पूर्वधार विकासको सडक निर्माण तर्फ गाउँपालिकाको केन्द्र सम्म जोडने बाटो र वडा कार्यालयबाट पालिकाको केन्द्र जोड्ने बर्गिकरणको आधारमा बाह्रै महिना सवारी साधन चल्ने सडकहरूलार्इ स्तरउन्ती गरिने, पूर्वखोला सडक गुरुयोजा अघि बढाईने, सडक मर्मत सम्भारकर्ता परिचालन गर्ने निति तथा कार्यक्रममा समेटेको छ ।

पूर्वखोला र लाम्दी खोलामा मोटरबेल पुल प्रदेश सरकारसंग आवश्यक समन्वय गरिनेछ । गाउँपालिकाको भवन १ बर्ष भित्र सक्ने गरि २ करोड बजेट विनियोजित गरिएको छ ।
गाउँपालिकाले सुशासनको प्रत्याभुति हुने गरि विभिन्न कार्यक्रम तथा योजनाहरुलाई गाउँपालिकाको नीति तथा कार्यक्रमले समेटेको छ ।